| Қостанай облыстық аслихатының 2008 жылғы № шешіміне1 - қосымша |
Қостанай облысының әлеуметтік – экономикалық дамуының 2009-2011 жылдарға арналған негізгі бағыттары
Мазмұны
| Кіріспе | 3 |
| 1. 2006-2008 жылдарда облыстың әлеуметтік-экономикалық даму жағдайы мен беталысына талдау | 3 |
| 1.1. Жалпы экономикалық жағдай | 3 |
| 1.1.1. Қаржылық қызмет көрсету саласын дамыту | 3 |
| 1.1.2. Инвестициялық сала | 5 |
| 1.1.3. Коммуналдық мүлікті басқару | 7 |
| 1.1.4. Бәсекелестік пен кәсіпкерлікті дамыту | 10 |
| 1.1.5. Өнеркәсіп | 11 |
| 1.1.6. Құрылыс | 16 |
| 1.1.7. Ауыл шаруашылығы | 17 |
| 1.1.8. Көлік және коммуникация | 22 |
| 1.1.9. Сыртқы экономикалық қызмет | 25 |
| 1.1.10. Туризм | 27 |
| 1.1.11. Ішкі сауда | 28 |
| 1.2. Тұрақты даму, адам ресурстарын дамыту және халықтың өмір сүру сапасын арттыру | 29 |
| 1.2.1. Демография және көші - қон | 29 |
| 1.2.2. Еңбек ресурстары | 30 |
| 1.2.3. Гендерлік дамыту | 31 |
| 1.2.4. Тұрғын үй саласы | 32 |
| 1.2.5. Білім | 32 |
| 1.2.6. Денсаулық сақтау | 35 |
| 1.2.7. Халыққа әлеуметтік көмек көрсету | 37 |
| 1.2.8. Мәдениет және спорт | 39 |
| 1.2.9. Табиғатты пайдалану және тұрақты дамыту экологиясы | 42 |
| 1.3. Индустриалдық-инновациялық даму стратегиясын іске асыру | 46 |
| 1.3.1. Өңдеу өнеркәсібінің басымды салаларын дамыту | 46 |
| 1.3.2. Жоғары үстеме құны бар экспорттқа бағытталған өнімді шығару | 47 |
| 1.3.3. Технологиялар мен инновацияларды дамыту | 47 |
| 1.3.4. Инфрақұрылымды, соның ішінде шағын кәсіпкерлікті дамыту | 47 |
| 1.3.5. Мемлекеттік даму институттары арқылы іске асырылатын жобалардың тиімділігі. Нәтижелерді бағалау | 48 |
| 1.4. Қорытындылар | 48 |
| 2. 2009-2011 жылдарға арналған облыстың әлеуметтік-экономикалық дамуының негізгі бағыттары | 49 |
| 2.1. Облыстың әлеуметтік-экономикалық дамуының проблемалық мәселелері | 49 |
| 2.2. 2009-2011 жылдарға арналған облыстың әлеуметтік-экономикалық дамуының мақсаты мен міндеттері | 54 |
| 2.3. 2009-2011 жылдарға арналған облыстың әлеуметтік-экономикалық дамуының сандық индикаторлары | 61 |
| 3. Басымдықтар | 63 |
| 3.1. 1-басымдық. Экономикалық саясатты жүргізудің тиімділігін арттыру | 63 |
| 3.1.1. 1 - шара. Экономикалық өсудің орталықтары мен «нүктелерін» дамыту | 63 |
| 3.1.2. 2 - шара. Инвестициялық саясат | 65 |
| 3.1.3. 3 - шара. Қаржы қызметі саласын дамыту | 69 |
| 3.1.4. 4 - шара. Коммуналдық мүлікті басқаруды жетілдіру | 69 |
| 3.1.5. 5 - шара. Бәсекелестіктің тең жағдайын қалыптастыру және бизнес-ортаны жақсарту | 70 |
| 3.1.6. 6 – шара. Инфляцияны тұрақтандыру | 70 |
| 3.2. 2-басымдық. Тұрақты дамуға көшу, халықтың өмір сүру сапасын арттыру және адами капиталды дамыту | 71 |
| 3.2.1. 1 - шара. Тұрақты дамуға көшуді қамтамасыз ету | 71 |
| 3.2.2. 2 - шара. Демографиялық және көші-қон жағдайын тұрақтандыру | 73 |
| 3.2.3. 3 - шара. Халықты әлеуметтік қорғау жүйесін жетілдіру және халықтың жағдайын жақсарту | 73 |
| 3.2.4. 4 - шара. Халық денсаулығының жағдайын жақсарту | 75 |
| 3.2.5. 5 - шара. Білім беруді дамыту және кадрларды даярлаудың сапасын көтеру | 75 |
| 3.2.6. 6 - шара. Мәдениетті және спортты дамыту | 77 |
| 3.2.7. 7 - шара. Халықтың тұрғын үйге қол жеткізуін қамтамасыз ету | 78 |
| 3.2.8. 8 - шара. Гендерлік теңдікті қамтамасыз ету | 79 |
| 3.2.9. 9-шара. Экологиялық жағдайды жақсарту. Қайта жаңғыртылатын ресурстарды және энергия көздерін дамыту | 79 |
| 3.3. 3 - басымдық. Инфрақұрылымның дамуы | 80 |
| 3.3.1. 1- шара. Теміржол, әуе және су көлігін дамыту | 80 |
| 3.3.2. 2 - шара. Автомобиль көлігін дамыту және автомобиль жолдарын жақсартужағдайы | 81 |
| 3.3.3. 3- шара. Телекоммуникацияны және пошталық байланысты дамыту | 83 |
| 3.4. 4-басымдық. Экономиканы жаңғырту және әртараптандыру | 83 |
| 3.4.1. 1 - шара. Жылу-энергетикалық ресурстарын және энергетикалық сектордың әлеуетін тиімді пайдалану | 83 |
| 3.4.2. 2 - шара. Экономика секторларының индустриалдық-инновациялық дамуы | 86 |
| 3.4.3. 3 - шара. Өңдеу өнеркәсібін дамыту | 89 |
| 3.4.4. 4 - шара. Агроөнеркәсіп кешенін дамыту | 92 |
| 3.4.5. 5 - шара. Сыртқы экономикалық қызмет | 93 |
| 3.4.6. 6 - шара. Құрылыс индустриясын салу және дамыту | 94 |
| 3.4.7. 7 – шара. Техникалық реттеу және метрологияны дамыту | 96 |
| 4. 2009-2011 жылдарға арналған жергілікті бюджетті пайдаланудың негізгі бағыттары | |
| 5. Жоспарды іске асырудың бақылауы мониторингі | 102 |
| Ескерту | 104 |
Кіріспе
Қостанай облысының 2009-2011 жылдарға арналған әлеуметтік-экономикалық дамуының орта мерзімді жоспары (бұдан бұлай –Жоспар) Қазақстан Республикасының Бюджет кодексіне және Қазақстан Республикасы Үкіметінің 2002 жылғы 14 маусымдағы № 647 қаулысымен бекітілген Қазақстан Республикасының әлеуметтік-экономикалық дамуының орта мерзімді жоспарларын әзірлеу ережесіне сәйкес әзірленген.
Жоспар ішкі және сыртқы факторларға қарай 2009-2011 жылдарға арналған экономиканың даму қарқынын негіздейді, экономиканың жеке және мемлекеттік секторын дамытуға және облыс халқының әл-ауқаттылығын өсіруге қолайлы жағдай жасау жөніндегі жергілікті атқарушы органдардың іс-әрекетін, Қазақстан Республикасының және облыстың стратегиялық даму жоспарларына, Қазақстан Республикасы Президентінің Қазақстан халқына жолдауларына, Қазақстан Республикасы Үкіметінің 2007-2009 жылдарға арналған бағдарламасына сәйкес жоспарланатын мерзімге арналған мемлекеттік әлеуметтік-экономикалық саясатын іске асыру жөніндегі шараларды анықтайды.
Жоспар әлеуметтік-экономикалық дамудың нысаналы индикаторларынан, маңызды көрсеткіштер болжамынан, қолданыстағы және әзірленетін өңірлік бағдарламалар тізбесінен, басымды жергілікті бюджеттік инвестициялық жобалардан тұрады.
1.1. Жалпы экономикалық жағдай
1.1.1. Қаржылық қызмет көрсету саласын дамыту
Бюджеттік кредит беру. 2005-2007 жылдары Қазақстан Республикасында үй құрылысын дамыту Мемлекеттік бағдарламасы бойынша үй салуға ипотека несиелеу жүйесі бойынша республикалық бюджеттен 740 млн. теңге, оның ішінде; 2006 жылы – 370 млн. теңге, 2007 жылы – 370 млн. теңге бөлінді.
Сол сияқты, 2006 жылы облыстық бюджеттен 395,4 млн. теңгеге қайта кредит беру жүргізілді.
2008 жылдың 1 қаңтарында облыстық бюджеттен берілген кредит бойынша берешек 1612 млн. теңгені құрады, оның ішінде үй құрылысына – 740 млн. теңге бөлінді.
2008 жылды бағалау.Ағымды жылы кредиттік шарт және келісім бойынша кредитті және қарызды өтеу қарастырылмады.
2008 жылдың 1 қарашасындағы жағдай бойынша облыстық бюджеттен және қала және аудан бюджетінен берілген кредит бойынша берешек 1393,1 млн. теңгені құрады, оның ішінде үй құрылысына – 1176 млн. теңге, кіші кәсіпкерлікке кредит беру бойынша – 217,1 млн. теңге.
2008 жылы 2008-2010 жылдарға арналған Тұрғын үй құрылысын дамыту мемлекеттік бағдарламасын орындау шеңберінде облыстың жергілікті атқару органына республикалық бюджеттен «100 мектеп және 100 аурухана» жобасы бойынша үй құрылысына 436 млн теңге сомасында қаражат алу жүзеге асырылды.
Ауыл шаруашылық тауар өндірушілеріне шағын кредит беру.2006-2007 жылдары облыста "Ауыл халқына шағын кредит беру" бағдарламасы бойынша 1592 қарыз алушыға 187,5 млн. теңге сомасына кредит берілді. Жаңа жұмыс орындары құрылды.
Облыста шағын және орта бизнесті дамыту үшін халыққа кредит беруді жүзеге асыратын 15 ауылдық кредиттік серіктестік жұмыс істейді.
2008 жылды бағалау. Ауыл шаруашылығы тауар өндірушілерін қолы жететін кредит қаражатымен қамтуды ұлғайту мақсатында Амангелді ауданында ауылдық кредиттік серіктестік ашуды ұйымдастыру іс-шаралары жүргізілді. 48,9 млн. теңге сомасына 15 кредит берілді.
2008 жылы шағын кредит беруге 83 млн. теңге жұмсалды, оның ішінде 81 пайызы мал шаруашылығын дамытуды қолдауға жіберіліп отыр.
Экономиканы банк арқылы кредиттеу. Облыста банк жүйесіне екінші деңгейдегі банктердің 16 филиалы кіреді.
Сырттан қарыз алудың азаюына, дүниежүзілік қаржы рыногында ставканың өсуіне байланысты экономиканы кредиттеудің төмендегені байқалады. 2008 жылғы 1 тамыздағы жағдай бойынша экономикаға банктің кредит беруі бойынша жалпы қарыз көлемі 2008 жылғы 1 қаңтардағы деректермен салыстырғанда 7,3 пайызға кеміді және 143 млрд. теңгені құрады, орташа өлшемді сыйақы ставкасымен 16,2 пайызды құрады. Шетел валютасымен берілген кредит бойынша орташа өлшемді ставка 2007 жылы желтоқсанда 16,6 пайыздан 2008 жылы шілдеде 16,5 пайызға азайды, ұлттық валютада берілген кредит бойынша 17,2 пайыздан 17,4 пайызға өскен.